Бул тууралуу маданият жана маалымат министри Султан Раев билдирди. Анын айтымында, Пекинде Кыргызстан маданият күндөрүнүн алкагында Азия чөлкөмүнүн алтынчы маданий фестивалына катышат жана анда биздин делегация Борбор Азия регионунун атынан өз өнөрлөрүн тартуулайт. Бүгүнкү күнү болсо Шанхай кызматташуу уюмунун маданият министрлеринин жыйынынын экинчи этабы Ысыккөлдө уланууда. Кыргызстан ал жыйында ШКУ мамлекеттерин биргелешип ири кино долбоорлорун аткаруу сунушун киргизди. “Бул деген эгерде биз “Манас” жөнүндө кино тартсак, анда ШКУга кирген мамлекеттердин потенциалын пайдаланууга мүмкүнчүлүк алуу”, -деп белгиледи Султан Раев. (AiT)
