Анда митингдерди жана тынч жыйындарды өткөрүү боюнча мыйзамга кол койбоо чакырыгы ташталмакчы. “Жарандар коррупцияга каршы” укук коргоо борборунун жетекчиси Төлөкан Исмаилованын “Азаттыкка” билдиргенине караганда, кайрылууга 148 коомдук уюмдун жана алардын 500дөй өкүлдөрүнүн жер-жерлерден жиберген каттары да тиркелет. Өткөн айда парламент тарабынан кабыл алынган бул мыйзам долбоору жарандардын тынч жыйындарды, нааразылык чараларын өткөрүүсүнө бир катар чектөөлөрдү киргизген. Жарандык коомдун өкүлдөрү болсо бул мыйзам долбоору демократияга жана адам укуктарына каршы келээрин, аны эл аралык эрежелерге төп келтирүү зарылдыгын айтып келишүүдө.(SM)
