Бул тууралуу бүгүн “Кыргызкино” концернинин вице-президенти Абибилла Пазылов маалымат жыйынында билдирди. Аталган тасманы француз кинорежиссеру Мари де Поншевиль тарткан, ал эми продюссери германиялык Франк Мюллер. Тасмада башкы ролдорду кыргыз актерлеру ойношкон. Нарын облусунда тартылган бул фильм сүйүү, миграция, экология темаларын козгойт. Ал эми тасманын бюджети бир жарым миллион еврону түзөт. “Теңир” тасмасы бир топ кинфестивалдарга катышаары күтүлүүдө. А.Пазыловдун айтымында, кыргыз киночулары фильмди Оскар сыйлыгына көрсөтүшү мүмкүн. (AiJu)
