Африка лидерлери бул өлкөнүн бийлигин жана оппозицияны эпке келүүгө чакырып, бирдиктүү улуттук өкмөт түзүүгө үндөдү. Бул туурасында Египеттеги Африка Биримдигинин саммитинде кабыл алынган билдирүүдө айтылат. Өткөн жумада президенттик шайлоодо жалгыз талапкер болгон Роберт Мугабе көпчүлүк шайлоочунун добушун алып, өлкөнү башкаруу мөөнөтүн дагы беш жылга узарткан. Оппозиция шайлоону мыйзамсыз деп атап, анын жыйынтыгын таануудан баш тарткан.
