Бул тууралуу “Эр айдоочу” коомдук уюмунун жетекчиси Качкын Булатовдун адвокаты Акин Токталиев “Азаттыкка” кабарлады. Ал эми Качкын Булатовго байланыштуу ишти тергеп жаткан тергөөчү Туратбек Байчаевден алынган маалымат боюнча Качкын Булатовго башка адвокат берилмекчи. Тергөөчү мунун себебин адвокат Акин Токталиевди “маалымат каражаттарына так эмес маалыматтарды тараткандыгы үчүн адвокаттыктан четтетилет” деп түшүндүрдү. “Эр айдоочу” коомдук уюмунун жетекчиси Качкын Булатов “Де-факто” гезитине байланыштуу жалган маалымат тараткан” деген айып менен Бишкек шаардык ИИБ тарабынан 48 саатка камакка алынган.(ZKo)
