Сербиянын парламенти тышкы саясатта Евробиримдикке кошулуу мүдөөсүн көздөгөн батышчыл топтон турган жаңы өкмөттү бекитти. Дүйшөмбү күнү кечке жуук өткөн сессияда бекитилген коалициялык өкмөттүн курамына Слобадан Милошевичтин Социалисттик партиясы жана президент Борис Тадичтин Демократиялык партиясы кирди. Премьер-министр болуп белгилүү экономист Мирко Цветкович дайындалды.
