Индиянын Кабулдагы элчилигине кол салгандар Пакистандагы лагерлерде машыгуудан өткөнү жөнүндө бүгүн Дүйшөмбүдө жүргөн жеринен ооган ички иштер министри Зарар Ахмад Мокбел билдирди. Индия элчилигиндеги жардыруу ушул дүйшөмбү күнү жанкечти тарабынан жасалган эле. Ооган расмий өкүлдөрү жардырууда чет элдик чалгын кызматтын изи жатканын айтып, Пакистанды ишара кылгандай болгон. Расмий Исламабад жардырууга кандайдыр бир катыштыгы бар экендигин төгүндөөдө.
