17-19-июль күндөрү Нарын шаарында Акыйкатчы институту жана Акыйкатчы институтунун алдындагы адам укуктары боюнча коомдук кеңештин демилгеси менен укук коргоочулардын республикалык конференциясы өтмөкчү. Мындай маалыматты “Азаттыкка” Акыйкатчы Турсунбек Акун билдирди. Анын айтымында, Кыргызстандагы адам укуктары боюнча абалды талкууга алган бул конференцияга адам укуктары жаатында иш алып барышкан бейөкмөт уюмдардын өкүлдөрү, бийлик адамдары жана саясий партиялар катышат. Конференцияда өлкөдөгү адам укуктары жаатындагы абалга баа берилип, кайрылуу жасалары күтүлүүдө. (IJz)
