Өнөр жай, энергетика жана отун ресурстары министри Сапарбек Балкыбеков АКШ өкмөтүнүн чакыруусу менен 14-июлдан тарта Кошмо Штаттарда иш сапарда жүрөт. Тышкы иштер министрлиги кабарлагандай С. Балкыбеков атаандаштык шартта суу ресурстарын үнөмдүү пайдаланып башкаруу, электр кубатын өндүрүү боюнча АКШнын тажрыйбалары менен таанышууда. Борбор Азиядагы энергетика базарына жана АКШнын энергетикалык ассоциациясына көмөктөшүп келген АКШнын эл аралык өнүктүрүү агенттигинин (ЮСАИД) жана Дүйнөлүк Банктын өкүлдөрү менен жолугушууда. (EBM)
