17-июлда Ош шаарында атып өлтүрүлгөн ОМАИнин эки кызматкеринин, айдоочу менен нарколог-дарыгердин өлүмүнө байланыштуу кылмыш ишинин учугу табылганын Ош шаардык ички иштер башкармалыгынан билдиришти. Тергеп-иликтөө амалдары жүрүп жаткандыгына байланыштуу тартип коргоо кызматкерлери толук маалымат берүүдөн баш тартышты. Бул боюнча кылмыш иши козголуп, учурда ички иштер министринин орун басары Жеңиш Жакыпов баш болгон милиция кызматкерлери окуяны иликтөөдө.
