Сузакта 30дай бала жабыркаган кырсыктын чоо-жайын териштирүү үчүн комиссия түзүлдү. Ушул тапта 12 окуучу ооруканада жатат. Дарыгерлер алардын бешөөнүн абалын оор деп баалады. Орус армиясынын аба соккусунан Украинанын Харьков облусунда сегиз бала жабыркады. Ал арада АКШ Орусияны тыюу салынган химиялык куралды Украинада колдонгон деп айыптады. Кремль аны четке какты. Бир ай бою суу каптоодон жабыркаган Казакстандын Орол шаарынын тургундары бийликке жардам сурап кайрылды. Күлсарыда болсо 300дөн ашуун үйдү суу алып кеткен, 36 миңдей киши эвакуацияланган.