Бишкектин 12-кичи районунда ачылган “Элистан” аттуу балдар үйүндө мындан ары 40 жетим бала багылып, тарбия алат. Бул тууралуу Эмгек жана социалдык өнүктүрүү министрлиги кабарлады. Жетим балдар үйү “Жаштардын дүйнөлүк уюму” аттуу уюмдун көмөгү менен курулган жана ага өлкөнүн чар тарабынан жетим балдар алынып келип тарбияланмакчы. “Жаштардын дүйнөлүк уюму” аттуу уюмдун Египеттин жараны Саид Баюми. Бул уюм Кыргызстанда 2000-жылдан бери иштеп, 200 айылды таза суу менен камсыз кылууга жардам берип, 700гө жакын жетим балдарга айына 800 сомдон каражат берип келет. (BD)
