Вице-мэр Үмүтхан Тыналиеванынын билдиргенине караганда, мэрия тарабынан гүл бактарды кайра оңдоо тууралуу токтом кабыл алынган. Мындан тышкары гүл бактарда иш алып барган кафе, соода түйүндөрүн жана аттракциондорду текшерүү боюнча атайын комиссия түзүлгөн. Панфилов гүл багында иш алып барган 47 соода түйүнүнүн биринде да тиешелүү документтер жок экени, иштеп жаткан 81 аттракциондун алтысында гана коопсуздук боюнча актылар бар экени аныкталды.(MSu)
