Жолугушуу 31-июлда Исламабад шаарында өттү. Ага Кыргызстан, Ооганстан, Тажикистан жана Пакистан өлкөлөрүнүн энергетика боюнча министрлери катышты. Бул жолугушуу Борбор Азия жана Түштүк Азия региону боюнча аймактык энергетикалык рынок жаатында кызматташуу меморандумунун алкагында өттү. Анда Дүйнөлүк банктын, Азия өнүгүү жана Ислам банктарынын эксперттери бул өлкөлөр энергетика тармагында кантип кызматташса болот ойлорун ортого салышты. Иш-чаранын жыйынтыгы Кыргызстан, Ооганстан, Таджикистан жана Пакистандын энергетика министрлеринин өкмөт аралык кеңешинин жыйынында каралат. Бул тууралуу Пакистандагы кыргыз элчилигинен бүгүн кабарлашты. (EK)
