Мунапыс мамлекет башчы тарабынан БУУнун адам укуктары боюнча жалпы Декларациясынын кабыл алынгандыгынын 60 жылдык мааракесине карата жана адам укуктарын жана эркиндиктерин сыйлоо катары берилди. Аялдарга жана жашы жете элек балдарга мунапыс берүү тууралуу президент бүгүн кол койгон мыйзам күчүнө кирсе, абактагы 32 аял жана жашы жете электер жаза өтөө жоопкерчилигинен бошотулат. Мындан тышкары түрмөлөрдөгү 358 кишинин жаза өтөө мөөнөттөрү кыскартылат. Бул тууралуу президенттин басма сөз кызматы кабарлады.(ZKo)
