Улуттар Уюмунун байкочууларынын маалымдоосуна караганда, жикчил Абхазиядагы Грузия көзөмөлдөп турган аймактар бомбаланууда. БУУнун баш катчысынын жардамчысы Эдмонд Мулеттин айтымында, Абхазиянын оор куралданган аскерлери Кодори капчыгайындагы айылдарды карай багыт алууда. Абхазия президенти Сергей Багапш мамлекет 10 күнгө согуштук абалга өткөнүн жарыялап, Кодори капчыгайына 1 миң аскер жөнөткөнүн билдирген.
