Бээжин-2008 Олимп оюндарында Кыргызстандык боксер Асылбек Таласбаев бүгүн бразиялык мушкер Лопес Эвертон менен беттешип, 9:7 эсебинде жеңди. Бээжинде жүргөн “Азаттыктын” кабарчысы Кабыл Макештин билдиришинче алатоолук дагы бир спортчу Руслан Исмаилов он метр аралыктагы жел мылтык атышта байгеге илинбей алтымыш беш спортчунун жоон ортосунда калды. Исмаилов дагы эки мелдешке катышат. Балбан Руслан Түмөнбаев грек-рим күрөшү боюнча эртең таймашат. Бүгүн Р. Түмөнбаевдин салмагы ченелип, атаандашы аныкталмакчы. (EBM)
