Грузиянын Улуттук Коопсуздук кеңешинин катчысы Александр Ломаянын маалыматына ылайык, Түштүк Осетиянын жергиликтүү тургундар бул аймакка чектеш кыштактардагы грузин улутундагы тургандарга кол салган. “Орусиянын колдоосуна ээ болгон Түштүк осетиндер грузин кыштактарына кол салууда” деди Александр Ломая. Грузиянын Тышкы иштер министрлиги тараткан билдирүүдө дагы Түштүк осетиялык жикчилдердин бул иш-чаракеттерине орусиялык жоокерлер жолтоо кылбастан четте карап турганы айтылат. Бул билдирүү азырынча тактала элек.
