Өз арызында Урмат Акунов атасы Бектемир Акуновдун өлүмүнөн кийин тарткан моралдык жана материалдык чыгымдарын Ички иштер министрлиги менен Каржы министрлиги төлөп берүүсүн талап кылууда. Бектемир Акунов 2007-жылы апрель митингисинде ачкачылык акциясынан кийин Нарын шаарындагы абакта каза болгон. Саясий акциялардан кийин Нарын шаарына кайтып барган Акуновду Нарын шаардык ички иштер бөлүмүнүн кызматкерлери камакка алган. Адам укугун коргоочу уюмдар Акунов абакта милиция кызматкерлери тарабынан сабалгандан кийин каза тапканын белгилеп келет.(AiT)
