Нарын облусундагы баардык 142 мектептин 36сы кыйроо абалында, бул мектептерди курууга жана жалпы оңдоодон өткөрүүгө республикалык бюджеттен 75,6 млн. сом талап кылынат. Бирок өлкөнүн каржы министрлиги тарабынан өз убагында каражат бөлүнбөгөндүктөн быйыл 7 мектептин курулушу бүтпөй калуу коркунучунда турат. Мектептердин кезектеги оңдоо иштерине бюджеттен 6 млн. 127 миң сом бөлүнгөн. Ошол эле маалда облуста 18 мектепте оңдоо иштери талапка ылайык жүргүзүлбөгөн. Мындай маалыматтар бүгүн болуп өткөн Нарын облустук акимчилигинин коллегиялык жыйынында айтылды. (KUs)
