Денвер шаарындагы стадиондо сенатор Барак Обама 75 миңдей адамдын алдында программалык сөзүн сүйлөп жатат. Бул жерде Барак Обама Демократиялык партиянын атынан президенттикке талапкер болууга расмий макулдук берет. Мындан бир күн алдыда курултайдын делегаттары Обаманы президенттикке талапкер кылып расмий бекиткен. 4-ноябрдагы шайлоодо Барак Обама Республикалык партиянын талапкери, сенатор Жон МакКейн менен ат салышат. Бул партиянын курултайы 1-сентябрда башталмакчы.
