Бул тууралуу парламенттин мурдагы төрагасы Адахан Мадумаров “АКИ-пресс” агенттигине берген маегинде билдирген. Ал “жең ичиндеги” оюндардын күчөп баратканынан улам кызматтан өз каалоосу менен кеткенин, учурда ден-соолугун чыңап, эс алып жатканын кошумчалаган. Мадумаров президент Бакиевге карата көз карашы өзгөрбөгөнүн, ага мурдагыдай эле ишенимде экенин билдирген. Ал президенттик шайлоого катышар, катышпасын убакыт көрсөтөөрүн,биринчи кезекте Баш мыйзамды жана мыйзамдуулукту сактоо зарылдыгын айткан. (AJ)
