Жарандык авиация департаментинин башчысы Алик Аскаров "Азаттыкка" курган маегинде мунун себебин депутат Бегаалы Наргозуев “Эсен Эйр” авикомпаниясынын кожоюну болгондугу менен түшүндүрдү. Эки Боинг учагы бар “Эсен Эйрдин” иши техникалык себептер менен токтотулганын билдирди. Наргозуев өзүнүн маселелерин чечүү үчүн, учактарын кайра учуруу максатын көздөп ушундай бут тосууларга барууда, дейт А. Аскаров. Наргозиевдин учактарынан башка Кыргызстандагы учактардын баары дүйнөдөгү техникалык нормаларга төп келерин кошумчалады. (EBM)
