Аталган кыймылдын лидерлери өткөн жума күнү мурдагы премьер-министр Алмазбек Атамбаев башында турган социал-демократтар партиясынын жетекчилиги менен жолугушуп, мындан аркы кызматташуу боюнча сүйлөшүүлөрдү жүргүздү. Маалыматка караганда, эмки жумада мындай сүйлөшүү уланып, эки тарап биргелешип аракеттенээрин жарыялоосу күтүлүүдө. Аталган кыймылдан “Азаттыкка” билдиришкенге караганда, мындай сүйлөшүүлөр башка саясий күчтөр менен да болушу ыктымал. Ошондой эле элдик курултай өткөрүү үчүн “Акыйкат үчүн” кыймылынын лидерлеринин бири Аликбек Жекшенкулов башында турган уюштуруу тобу түзүлдү. Элдик курултай октябрь айынын соңуна белгиленүүдө.(SM)
