Түркиянын тышкы иштер министри Али Бабажан армениялык жана азербайжандык кесиптештери менен жолугушуу ниетин билдирди

Анын айтымында, бул идея Түрк мамлекет башчысы Арменияга барып кеткенден кийин пайда болгон. Визит Ереван менен Анкара мамилелерин оңдой алаарын далилдеди.
Бабажан жана Армениянын тышкы иштер министри Эдуард Налбандян ушул айдын этегинде Улуттар уюмунун Башкы ассамблеясынын жыйыны маалында жолугушат деп күтүлүүдө. Бабажандын ырастоосунда, сүйлөшүүлөргө азери тышкы мекемесинин жетекчисинин катышуу ыктымалдыгына Налбандян макул болду.