15:47 USAID Салык төлөөчүлөрдөн маалымат топтоого колдоо көрсөттү

Мындай кабарды АКШнын Кыргызстандагы элчилиги таратты. Грантты жеңип алган “М-Вектор” аттуу консалдинг агенттиги азыр иштеп жаткан жана жаңы даярдалган Салык Кодексинин элдеги ордун иликтейт. Маалыматка караганда, долбоордун максаты - Салык кодекси менен салык төлөөчүлөрдүн тааныштыгынын, укук-милдеттерин билишинин деңгээли боюнча маалымат жыйнап, анын негизинде агартуучулук иштерди жүргүзүү.
USAID агенттиги аркылуу Кошмо Штаттар Кыргызстандын экономикалык, демократиялык өнүгүүсүнө, билим берүүгө, саламаттык сактоого 1992-жылдан бери 400 млн. доллар берген. (BuS)