“Кыргызстанда кинону өнүктүрүүнүн келечеги” деп аталган конференция Швейцариянын кызматташтык бюросунун көмөгү менен өткөрүлүүдө. Үч күнгө созула турган конференциянын биринчи күнү Кыргызстандын документалдуу фильмдерди тарткан режиссерлорунун үч фильми, экинчи күнү Астанада өткөн “Евразия” бешинчи кинофестивалында байге алган кыска метраждуу көркөм фильмдер жана жума күнү жаңы тартылган тасмалар көрсөтүлөт. Дем алыш күндөрү болсо өзбек кинорежиссерлорунун фильмдери тартууланат. Конференцияда АКШ элчилиги демократия тууралуу мыкты видеороликке конкурс да жарыялады. (BD)
