Бүгүн парламенттин отурумунда кыргыз өкмөтүнүн экономикалык тармактар жана 2008-2009-жылдар аралыгында күз-кыш мезгилине даярдык боюнча маалыматын угушуп, кызуу талкуудан кийин айрым сунуштар киргизилип токтом кабыл алынды. “Ак жол” фракциясынан депутат Бегалы Наргозуев бул маселе боюнча өкмөт милдетин кандайча аткарып жаткандыгы тууралуу бир айда эки жолу парламентте маалымат берүүсүн жана аткарылбаган иш чарага өкмөттүн жоопкерчилигин кароону сунуштады. Ал эми СДПК фракциясынан депутат Бакыт Бешимов өкмөткө күз-кыш айлары үчүн даярдыкты канаатандырарлык эмес деп баа берүү сунушун айтты. (AJ)
