Ак үйдөгү мыйзамгерлер менен кечээки жолугушууда 700 миллиард доллардык куткаруу планы боюнча сүйлөшүү жыйынтыксыз аяктаган. Чукул жыйынга президент Жорж Буш төрагалык кылып, ага президенттик талапкерлер республикачыл сенатор Жон МакКейн жана демократ сенатор Барак Обама да катышкан. Мыйзамгерлердин айтымында, республикачыл жана демократ фракциялары бир пикирге келише алган жок. Анын аралыгында, Вашингтон Мючюал банкы жабылды. Бул АКШнын тарыхындагы эң ири банк кыйроосу болуп калды.
