Жумушчу иш сапарында өкмөт башчы Чаткал районундагы Акташ жана Аксыдагы Кербен чегара бекеттеринде болуп чегарачылардын жашоо шарты, алардын кышка даярдыгы менен таанышат. 17 чакырымдык Таш дөбө-Сөгөт-Кербен авто жолу менен Кербен-Ала-Бука автожолун жеринде барып көрөт. Аксы районунун эли менен жолугушуп күздүк айдоо, кышка даярдыгы тууралуу пикир алышат. Бул тууралуу өкмөттүн басма сөз кызматынан кабарлашты. Кечээ өкмөт башчы Баткен, Ош облустарында болуп, жергиликтүү жетекчилер менен кышка даярдык маселесин талкуулаган. (AJ)
