Түштүк Осетиянын айланасындагы Орусиянын тынчтык аскерлеринин убактылуу маалымат кызматынын жетекчиси Виталий Манушко бүгүн Европа Биримдигинин өкүлдөрү коопсуздук тилкесинин түштүк чектерине чейин гана келе алышаарын билдирди. Анын айтымында, Грузиянын Каратели кыштагында жолугушкан орус жана европалык расмий өкүлдөр бүгүн техникалык жана уюштуруу маселелери боюнча мунасага келе алышкан жок. Ок атышууну европалыктар менен биргелешип көзөмөлдөөнүн мөөнөтү эртең башталууда.
Орусия Грузиядагы буфердик зонага европалык байкоочуларды киргизбей тургандыгы маалым болду
