Бул тууралуу ЖК депутаттары, Социал-демократтар фракциясынын мүчөлөрү Бакыт Бешимов, Роза Отунбаева жана Иса Өмүркулов маалымат жыйынында билдиришти. Алардын билдирүүсү боюнча ЖК депутаттарын Башкы прокуратура суракка алууга укугу жок. Депутаттар бирок Клара Кабилованын видеокайрылуусу боюнча башкы көзөмөл органы менен кызматташууга даяр экендигин да маалымдашты. Ушул тапта өтүп жаткан маалымат жыйынында айтылгандай аталган депутаттар ачык диалогго баруусун өтүнүп, президент Курманбек Бакиевге кайрылуу жиберишкен. СДПчылар коррупция менен күрөшө турган күч органдарды өздөрүнө берилсе, өлкөдө тартип орнотуларын маалымдашты, деп кабарлайт парламенттик кабарчыбыз Бекташ Шамшиев.(ZKo)
