Борбордук шайлоо комиссиясынын маалымат-аналитикалык бөлүмүнөн алынган маалыматка ылайык, ушул сааттарга карата эч кандай мыйзам бузуулар боюнча арыздар түшө элек. Жалпысынан 7643 мандатка 15 миң 139 талапкер ат салышса анын 1300 гө чукулу – саясий партиялардан. Бир мандатка Бишкек шаарынан - 8,5, Жалал-Абад, Ош облустарында – 2, Чүйдө - 1,7 талапкер туура келет. Шайлоонун жүрүшү тууралуу маалыматты БШК саат 13:00, 16:00 жана 20:00 дө берет. Шайлоо учаскалары кечки саат сегизде жабылат. (КЕ)
