Өлкө башчысы бүгүнкү салттуу жыйынында Алай районундагы жер титирөөнүн кесепеттерин тез арада жоюуну, жабыркагандарга жардам көрсөтүп, шашылыш чара көрүүнү премьер-министр Игорь Чудиновго, Ош облусунун губернатору Аалы Карашевге жана тиешелүү министрликтерге тапшырды. Ошондой эле 1-октябрдагы Ноокат районундагы орозо айт майрамына байланыштуу окуяга байланыштуу тыкат иликтөө жүргүзүүнү, күнөөлүүлөрдү мыйзам чегинде жазалоону Коопсуздук катчысы Исмаил Исаковго жана президенттин администрациясынын коопсуздук жана коргонуу иштери боюнча бөлүм башчысы Марат Кошоевге тапшырды.Президент Курманбек Бакиев 7-октябрда жер титирөөдөн жабыр тарткан аймакка баруусу күтүлүүдө. (AJ)
