Коопсуздук боюнча Мамлекеттик комитеттин башчысы Марат Суталиновдун “Азаттыктын” кабарчысына билдиргенине караганда президенттин тапшырмасына ылайык эки жаранды издөө боюнча Коопсуздук кызматы менен Ички иштер министрлиги биргелешкен чараларды көрүүдө. Бул тууралуу Суталинов Жогорку Кеңештин комитет жыйынынан кийин айтты. Жогорку Кеңештин Коргонуу, коопсуздук, тартип, соттук-укуктук реформа комитети депутат Руслан Шаботоевди, депутат Жусупжан Жээнбековдун уулу Бактияр Амражановду издөөнүн жагдайы менен жабык эшик артында таанышып, издөө аракеттерин күчөтүү тууралуу токтом кабыл алды. (BuS)
