Ушул убактарда муфтий Мураталы ажы Жуманов кырсыктан каза тапкандарга жеринде куран түшүрүү үчүн Алай районуна жөнөп кетип жаткандыгы тууралуу “Азаттыкка” билдирди. Анын айтуусунда, муфтият жабыркагандарга материалдык-моралдык жардамды жеринде көрсөтөт. 5-октябрдагы катуу жер титирөөдөн Алай районунун Нура айылында 75 адам көз жумду. Буга байланыштуу бүгүн жалпы республика боюнча аза күтүү күнү жарыяланган, мамлекеттик желектер түшүрүлгөн. Ошондой эле республикадагы телеберүүлөрдө бүгүн түнкү саат он экиге чейин оюн зоок программалар көрсөтүлбөйт. (AzK)
