Бул тууралуу “Азаттыкка” Өзгөчө кырдаалдар министри Камчыбек Ташиев билдирди. Министрдин айтымында, жабыр тарткандарды ноябрь айынын ортосуна чейин турак-жай менен камсыз кылуу тапшырмасын президент кечээ Ош облусуна болгон сапары учурунда берди. Президенттин бул тапшрымасынын алкагында Өзгөчө кырдаалдар министрлигинин базасында тез курулуучу, башкача айтканда мобилдүү үйлөр эмки аптадан баштап курула баштайт. Министрдин белгилешинче, күнүнө кеминде 2-3 үй курулат. Жер титирөөдөн жапа чеккендерге суук мезгилинде убактылуу баш калкалоо үчүн баш аягы 120дан ашуун үй талап кылынат, дейт К.Ташиев.(MSu)
