Орусиянын Түштүк Осетиядагы куралдуу күчтөрүнун башчысы генерал Марат Кулакметовдун билдиргени боюнча, жыйырма төрт саат ичинде өткөөл тилкелерде калган 6 көзөмөл бекеттери алынып салынат. Мындай иш аракет Түштүк Осетияга байланыштуу Орусия менен Грузиянын ортосунда чыккан согуштук жаңжалдан соң эки тарап ок атышууну токтотуу боюнча Европа Биримдигинин ортомчулугу астында жетишкен келишимдин бир бөлүгү. Ага ылайык, ушул аптанын жума күнүнө чейин Орусия Грузиянын ичкерки аймактарынан куралдуу күчтөрүн толук чыгарып кетиши керек.
Орусия өз аскерлерин Грузиядагы өткөөл тилкелерден шаршембиде толук чыгарып кетээрин билдирди
