Президент менен парламенттин жана өкмөттүн башчыларына жиберилген кайрылууга ишкер Бактыяр Амиражанов менен депутат Руслан Шабатоевдин тагдырына тынчсызданган миңден ашык адам кол койгон. Алар жоголгон эки адамды издөөдө чабалдык кылышууда деп өлкөнүн күч уюмдарына нааразылык билдиришкен. Мындай маалымат партиянын облустагы координатору Батырбек Абдразаковдон алынды. Анын айтымында кечээ Бактыяр Амиражановдун 30 чакты туугандары менен санаалаштары облбийликтин алдында бир сааттай нааразылык билдирип турушту. Алардын өкүлдөрү губернатор менен жолугушуп, облус башчысынан коомчулуктун тынчсыздануусун президентке билдирүү, дайынсыз жоголгондорду издөөнү күчөтүүнү талап кылышкан.(YA)
