Мындай пикирин Коммунисттик партиянын лидери Исхак Масалиев бүгүн “Азаттыкка” билдирди. Анын айтымында, “Жаңы Кыргзыстан” партиясынын жергиликтүү кеңештерге шайлоолордо мыйзам бузуулар тууралуу билдирүүсү толук колдоого аларлык. “Мен өзүм мыйзам бузууларга күбө болуп, түнкү саат бирде БШК төрагасы Дамир Лисовскийге кайрылганмын. Бюллетендерди саноонун башында башка кишилер алдыда келатып, андан кийин протоколдор боюнча такыр белгисиз адамдар жеңүүчү болуп калды”,-деп белгиледи Исхак Масалиев. (AiT)
