Бул тууралуу президент К.Бакиев кечээ парламентке жана элге жасаган кайрылуусунда билдирди. Мамлекет башчынын айтымында, соңку беш жылдын ичинде бюджеттен жолдорду калыбына келтирүү иштерин каржылоо 7 эсеге көбөйгөн. Эгерде 2006-жылы 408 млн.сом бөлүнгөн болсо, 2008-жылы 1 млрд. 480 млн.сомдун бөлүнүшү пландаштырылды. “Бүгүн биз Баткен областынын, демек Кыргызстандын транспорттук көз карандысыздыгына жетиштик. Ал эми ушул жылдын акырына чейин 1 миң километрден ашык жол ремонттолуп бүтөт, 11 ири көпүрө пайдаланууга берилет”, деди К. Бакиев. Ошондой эле өлкө башчысы мамлекеттик бюджеттин эсебинен 250 млн. сомго заманбап жолкурулуш техникалары сатылып алынганын белгиледи.(MSu)
