АКШнын мурдагы мамлекеттик катчысы Колин Пауэл президенттикке талапкер демократ-сенатор Барак Обамага колдоосун билдирди. “Пресса менен жолугушуу” аттуу телеберүүдө Пауэл Демократиялык партиядан президенттикке талапкер Обаманы ал Ирактагы согушту сынга алганы үчүн колдоп жатканын билдирди. Республикачы талапкер МакКейн өз кезегинде аны калган 4 мамкатчы колдоп атканын билдирди. Акыркы сурамжылоого ылайык, Обама МакКейнден алты пайызга алдыда бара жатат. АКШда президенттик шайлоо 4-ноябрда өтөт.
