Саясий талдоочу Александр Князевдин коомдук кору уюштуруп жаткан бул иш-чара 4-5-ноябрда өтөт жана ага аталган жумурияттан сырткары Иран, Кытай, Орусия, Индия, Пакистан жана Европа өлкөлөрүнөн талдоочу-серепчилер чакырылган. Талкуунун катышуучулары Борбор Азия менен Орусиянын аймактагы коопсуздукту камсыз кылуу боюнча мүмкүнчүлүктөрүнө баа беришет. КМШ, ШКУ, ЖККУ сыяктуу уюмдардын ролу бааланат. Аймакта жайгаштырылган АКШнын жана НАТОнун аскердик күчтөрүнүн орду талкууланмакчы. Жыйында Борбор Азия өлкөлөрүнүн тышкы саясатынын экономикалык өңүтү да өзүнчө сөзгө алынат. (EBM)
