Бул тууралуу “Азаттыкка” Баткен облустук бийлигинин гендердик саясат жана жаңы муун бөлүмүнүн башчысы Имигүлсүн Рыскулова 20-октябрда билдирди. Анын айтымында, жергиликтүү кеңеш депутаттыгы үчүн талапкерлиги катталган 193 аялдан 90ну шайланган. Алардын 14ү райондук, 76сы айылдык кеңештерге депутат болду. “Жаңы шайланган депутат аялдардын дээрлик көпчүлүгүнүн денгээли мыкты, алардын арасында саясий партиялардын, коомдук уюмдардын өкүлдөрү, мугалимдер, дарыгерлер жана жеке ишкерлер бар”,- деп билдирди Имигүлсүн Рыскулова. (SA)
