«Түндүк электр» ачык акционердик коомунун басма-сөз кызматы берген маалыматка ылайык ушул жуманын башында Сокулук районунун аймагынан жогорку чыңалуудагы электр зымы уурдалган. Узундугу 600 метр келген электр зымынын уурдалышы 11 миң 500 сом өлчөмүндөгү материалдык чыгымга алып келди. Буга чейин аталган райондон 1 миң 430 метр электр зымы уурдалып чоң зыянга алып келген болчу. Чүйдө мындай көрүнүш өтө күч алууда, бирок ушу күнгө чейин уурдагандардын бири дагы кармала элек. (JJ)
