Ошондой эле оппозиция Конституциянын жаңы редакциясынын жана Кыргызстанды өнүктүрүүнүн жаңы концепциясынын долбоорун коомчулукка жарыялоону көздөөдө. Ал эми ноябрда курултай өткөрүп, башкаруунун парламенттик формасын сунуш кылат. Мындай билдирүүнү “Акыйкат үчүн” кыймылынын башчысы Аликбек Жекшенкулов оппозициялык топ Москвага иш сапар менен барып келгенден кийин билдирди. Оппозициялык лидерлер Өмүрбек Текебаев, Темир Сариев, Аликбек Жекшенкулов, Иса Өмүркулов Москвада эки күн болуп келишти. Бирок, алар иш сапардын жыйынтыгы тууралуу ачык маалымат беришкен жок. (BuS)
