Британиялык ардактуу эс алуудагы генерал Майкл Роуз (Sir Michael Rose) “The Royal United Services Institute” аттуу журналга чыккан макаласында талиптер акырындап утулуп баратканын жазат, бирок ал талиптерге каршы согуштун залакасы карапайым атуулдарга да тийип жатат жана мындай кырдаал антитеррордук өнөктүккө өз кесепетин тийгизүүдө деп эсептейт. Өлкөдөгү жогорку деңгээлдеги коррупция да бул максатка кедерги тийгизүүдө, бирок президент Хамид Карзайдын өзү коррупциядан оолак турганына көзүм жетти дейт генерал Роуз.
