Катуу жер титирөөдөн жапа чеккен Пакистанда куткаруу иштери уланууда

Табигый кырсыктан 200дөн ашуун адам ажал тапты, жүздөгөнү жарадар болду. Балучистан чөлкөмүндө кечээ орун алган зилзаланын күчү 6,4 баллга жеткени кабарланган. Бийликтин болжолунда 15 миңдей киши үй-жайсыз калды. Дүйнөлүк саламаттыкты сактоо уюму дары-дармек, башка керектүү нерселерди жөнөткөнүн маалымдады. Германия, АКШ жана бир катар өлкөлөр да гуманитардык жардамын сунуш этишти.