Коопсуздук боюнча АКШ менен Ирак ортосундагы келишимди кайра макулдашуу үчүн мүмкүнчүлүк азайууда жана мөөнөт аяктоодо. Бул тууралуу АКШнын Мамлекеттик департаментинин өкүлү Роберт Вуд кечээ билдирди. Мунун алдында Ирак тарап келишимдин буга чейин макулдашылып коюлган долбооруна алымча-кошумчалардын жаңы топтомун берген эле. Бул документ америкалык аскерлердин Иракта туруусунун шарттарын жана жол-жобосун аныктайт. Маалыматтарга караганда, документте АКШ аскерлеринин Ирактан чыгуу мөөнөтү 2011-жыл деп каралган.
