“Эркин Кыргызстан” партиясы азыркы бийликтин жүргүзүп жаткан саясатына каршы 16-декабрда нааразылык акциясына чыгууга өлкө атуулдарына чакырык таштады. Бул тууралуу “ЭрК” партиясынын лидери Турсунбай Бакир уулу кечээ маалымат жыйынында билдирди. Анын айтымында, мамлекетти экономикалык жана социалдык туңгуюкка, кедейликтин сазына батырбоо, кландык жана коррупциялык башкарууга жол бербөө максатында облустун борборлорунда жана Бишкек шаарында нааразылык акциясы өтөт. Ошондой эле Элдик революциялык кыймыл дагы 18-ноябрда Талас шаарынын борбордук аянтында жалпы элдик курултай өткөргөнү жатат.(AJ)
